Системското размислување се појавува како најголем тренд во областа на човечки ресурси согласно истражувањето направено од страна на Deloitte и издадено во 2016 Global Human Capital Trends извештајот, заснован на повеќе од 7.000 одговори на прашалник спроведен во 130 земји во светот.
Глобалниот тренд и појавата на „вработениот кој е преоптоварен“
Глобалните трендови на човечки ресурси го навестија овој тренд уште пред две години кога го идентификуваа „вработениот кој е преоптоварен“ како значаен ризик за развој и задржување на таленти во организација. Овој тренд го актуелизира вработениот кој пред себе има предизвик ефикасно да управува со наплив на електронски пораки и информации, додека се „бори“ да одговори на зголемените и комплексни работни обврски и одговорноста да биде достапен 24/7.
Во 2015 година глобалните трендови на човечки ресурси ги забележаа првите обиди на одделите за човечки ресурси за „поедноставување“ на работната средина како одговор на преоптовареност на вработените.
Премин кон системско размислување
Во денешно време, иновативните оддели за човечки ресурси ги насочуваат своите активности кон инкорпорирање на системско размислување во раководење, поддршка и обука на вработените во нивните организации.
Наместо градење на класични „програми“ и „процеси“, одделите за човечки ресурси ги евалуираат потребите на вработените со цел создавање на апликации и алатки преку кои ќе се намали стресот и ќе се зголеми нивната продуктивност.
Резултати од истражувањето на Deloitte
Во истражувањето на Deloitte, 79% од извршните директори го оцениле системското размислување како највисок приоритет кога станува збор за промените во областа на управување со таленти. Сепак, само 12% од испитаните сметаат дека системското размислување е навистина застапено во нивните програми за управување со таленти во организацијата.
Дополнително, 50% од овие извршни директори кои ги оцениле нивните програми за управување со таленти како извонредни — токму поради примената на системско размислување — припаѓаат на категории на компании кои бележат високи резултати во работењето.
Станува јасно дека системското размислување се појавува како најдобра практика за водечките компании и иновативните оддели за човечки ресурси. Оваа практика претставува суштинска вештина за создавање на позитивно искуство на вработените — преку поедноставување на процесите, подобрување на поддршката и зголемување на ангажираноста.
