Опис на програмата:

Оваа обука е дизајнирана да им помогне на учесниците да изградат силни, доверливи и одржливи тимови кои постигнуваат резултати. Преку интерактивни сесии, практични алатки и реални сценарија, учесниците ќе научат како да ја зајакнат тимската динамика, да комуницираат ефективно, да решаваат конфликти и да создадат култура на соработка и заедничка визија.

Од оваа обука ќе научите:

  • Како функционираат тимовите и кои се фазите на нивниот развој
  • Како да изградат и одржат доверба во тимот
  • Како да ги препознаат и искористат индивидуалните силни страни
  • Како да комуницираат отворено и да решаваат конфликти конструктивно
  • Како да постават заеднички цели и да донесуваат одлуки како тим
  • Како да ја одржат мотивацијата и тимската енергија на долг рок

За кого е наменета:

  • Тим лидери и менаџери
  • Членови на тимови кои сакаат да ја подобрат соработката
  • HR професионалци
  • Секој што сака да придонесе за создавање на силна тимска култура

Методологија:

Обуката се базира на принципите на учење преку искуство, со комбинација од:

  • Кратки теоретски воведи
  • Групни дискусии и интерактивни вежби
  • Рол-плеј и симулации
  • Саморефлексија и планирање на примена во пракса

Програма на обука:

Добредојде и вовед

– Запознавање со учесниците

– Цели на обуката

– Очекувања и договор за работа

Тимска динамика и фази на развој

– Што е тим и што го прави успешен?

– Tuckman модел: формирање, бура, нормирање, изведба

– Кратка групна активност: „Каде е нашиот тим сега?“

Градење доверба и психолошка безбедност

– Што значи доверба во тим?

– Како се гради и одржува?

– Вежба: „Мост на доверба“ – интерактивна игра

Тимски улоги и индивидуални силни страни

– Belbin тимски улоги

– Идентификација на лични стилови

– Активност: „Мојата улога во тимот“

Ефективна комуникација и решавање конфликти

– Комуникациски стилови

– Техники за решавање конфликти

– Рол-плеј: „Тешка ситуација во тимот“

Заедничка визија и цели

– Како се дефинираат и комуницираат цели

– Усогласување на индивидуални и тимски цели

– Вежба: „Мисија на нашиот тим“

Тимска соработка и донесување одлуки

– Алати за колаборација

– Техники за донесување одлуки

– Групна симулација: „Одлука под притисок“

Одржување на тимска енергија и мотивација

– Тимски ритуали и култура

– Препознавање и наградување

– Активност: „Нашиот тимски договор“

Рефлексија и затворање

– Што научивме?

– Индивидуален план за примена

– Повратни информации и благодарност

Времетраење: 6 часа ( 1 ден ) од 10:00 до 16:00 часот

Формат: Online Обука

Обучувач:

Наташа Алексовска – Основач и Постар деловен консултант во Вивендум Ратио Солушнс. Професионалец со повеќе од 19 години искуство во областа на човечки ресурси, предавач во повеќе Центри за обука и развој со над 150 одржани обуки и програми за професионален развој на преку 1800 вработени од сите хиерархиски нивоа.

Пријава за учество:

Сите заинтересирани учесници потребно е да го најават своето присуство најдоцна до 28.07.2025 година, преку потполнување на Пријава за учество – Од доверба до резултат – тимови што прават разлика.

За дополнителни информации контактирајте не преку info@vivendumsolutions.com.mk  или на телефон 071-337-592.